«ҚазМұнайГаз - Сервис NS» АҚ аудиторлық қызмет көрсету үшін аудиторлық ұйымды таңдау рәсіміне қатысуға шақырады, олардың толық сипаттамасы төменде келтірілген. Конкурстық өтінімдерді 2024 жылғы 25 қаңтарға дейін ұсыну қажет.
Сатып алынатын аудиторлық және ілеспе қызметтер көлемінің сипаттамасы (есепті кезеңдер, аудиторлық рәсімдердің көлемі мен сипаты):
2.1. 2023 жыл - 2025 жыл кезеңінде халықаралық аудит стандарттарына сәйкес көрсетілетін аудиторлық қызметтер Тапсырыс берушінің халықаралық қаржылық есептілік стандарттарына (бұдан әрі - ҚЕХС) сәйкес, сондай-ақ «Бухгалтерлік есеп және қаржылық есептілік туралы» Қазақстан Республикасының Заңына сәйкес ҚР уәкілетті мемлекеттік органының нормативтік актісімен бекітілген тізбеге, нысандарға сәйкес дайындалған қаржылық есептілігіне аудит жүргізуді көздейді, атап айтқанда:
2024 және 2025 жылғы 30 маусымда аяқталған алты ай ішінде Тапсырыс берушінің қаржылық есептілігіне аудиторлық шолу (бұдан әрі – ҚЕХС есептілік) ұсыну арқылы аудиторлық шолу жүргізу;
2024 және 2025 жылғы 30 маусымда аяқталған алты ай үшін және 2023, 2024 және 2025 жылғы 31 желтоқсанда аяқталған жыл үшін FC (бұдан әрі – FC есептілік) жүйесінде Тапсырыс берушінің қаржылық есептілігі деректерін растау;
3) Тапсырыс берушінің 2023, 2024 және 2025 жылдардағы есептілік ҚЕХС аудитін жүргізу;
2.2 басшылыққа хаттарда олар бойынша тиісті ұсынымдар бере отырып, ілеспе қызметтер:
- қаржылық есептілікті дайындау процесін жақсарту, сондай-ақ қаржылық есептілікті дайындау мерзімдерін қысқарту бойынша ұсынымдар беру;
- Тапсырыс берушінің есеп саясатына сәйкес негізгі құралдарды бағалаудың әдіснамасы мен нәтижелері бойынша (ол өткізілген жағдайда) пікір білдіру;
- Байқау кеңесінің/Аудит жөніндегі комитеттің және Тапсырыс беруші басшылығының мүшелеріне аудит жүргізу нәтижелерін таныстыру (көрсетілген органдардың кез келгенінің сұрау салуы бойынша);
- аудиторлық қорытынды\есепті ұсынбай, салықтық тәуекелдерді, оның ішінде неғұрлым маңызды тәуекелдерді анықтау мақсатында 2023, 2024, 2025 жылдарға салықтық шолу жүргізу;
- тиісті есептерді ұсынбай бухгалтерлік және салықтық есепке алу бойынша консультациялар өткізу;
- бухгалтерлік есепті жүргізуді және қаржылық есептілікті жасауды бағалау (оның ішінде Тапсырыс беруші қызметінің ерекшелігін ескере отырып, қорларды есепке алу тәртібін бағалау, активтер мен міндеттемелерді бағалау және қайта бағалау, тауарларды, жұмыстарды/көрсетілетін қызметтерді жеткізушілермен дебиторлық және кредиторлық берешекті салыстыруды қоса алғанда, активтер мен міндеттемелерді түгендеуді жүргізу әдістері мен рәсімдері);
- бухгалтерлік есепті жүргізуге және қаржылық есептілікті жасауға байланысты мәселелер бойынша Тапсырыс берушінің ішкі бақылау және тәуекелдерді басқару жүйесінің барабарлығын бағалау;
-бағдарламалық-техникалық жарақтандырудың жай-күйін және ақпаратты өңдеудің автоматтандырылған жүйелерінің сенімділігін бағалау;
- Тапсырыс беруші қызметінің Қазақстан Республикасының Бухгалтерлік есеп және қаржылық есептілік саласындағы заңнамасының талаптарына сәйкестігін бағалау;
- «Аудиторлық қызмет туралы» Қазақстан Республикасы Заңының 21-бабының 6-тармағына сәйкес бюджет қаражатын, кредиттерді, гранттарды, мемлекет активтерін, мемлекет кепілдік берген қарыздарды пайдалану кезінде аудит барысында анықталған Қазақстан Республикасы заңнамасының бұзылуы туралы ақпарат беру.
- қаржылық есептілікте олардың дұрыс көрсетілуін растау үшін (қажет болған жағдайда, Тапсырыс берушімен келісім бойынша)Тапсырыс беруші қорларға, негізгі құралдар мен материалдық емес активтерге түгендеу жүргізген кезде аудитордың болуы;
- қажет болған жағдайда жеке және/немесе шоғырландырылған қаржылық есептілікті шығару үшін қажетті аналитикалық аудиторлық рәсімдерді жүргізу үшін, Тапсырыс берушінің үлестес тұлғаларының орналасқан жеріне бару.
Шығарылатын аудиторлық есептердің саны қатысуға арналған Сұрау салуға 1-қосымшада көрсетілген.
Аудиторлық есептерді шығару мерзімдері қатысуға арналған Сұрау салуға 2-қосымшада көрсетілген.
Аудиторлық ұйымның қызметтерін сатып алуға бөлінген сомалар 3-қосымшада көрсетілген.
Қатысушылардың қызмет көрсетуге ресми ұсыныс дайындау үшін қосымша ақпарат алу мақсатында кездесуге құқығы бар Тапсырыс берушінің жауапты лауазымды адамдарының тізбесі мен байланыс деректері 4-қосымшада көрсетілген.
Аудиторлық қызмет көрсету үшін аудиторлық ұйымды таңдау рәсімі оған қатысты жүзеге асырылатын Тапсырыс беруші туралы жалпы ақпарат 5-қосымшада көрсетілген.
Үлгілік құжат негізінде аудиторлық қызмет көрсетуге арналған ресми конкурстық ұсынысқа қойылатын талаптар қатысуға арналған Сұрау салуға 6-қосымшада көрсетілген.
