...

Тұрақты даму

QazaqGaz мақсаты – қоршаған ортаны қорғау, қауіпсіз және салауатты еңбек жағдайларына кепілдік беру және өзі жұмыс істейтін аймақтардың дамуына оң үлес қосуды қамтамасыз ету жөніндегі міндеттемелерді сақтай отырып, өз бизнесін үздік халықаралық стандарттарға сәйкес дамыту.

Су ресурстарын басқару

«QazaqGaz» ҰК» АҚ су ресурстарын басқаруға үлкен көңіл бөледі және оларды ұтымды пайдалану үшін жауапкершілікті сезінеді. Компания заңнамаға сәйкес су алуды жүзеге асырады.

«Интергаз Орталық Азия» АҚ филиалдарында 2020-2024 жылдарға арналған тасымалдау кезінде судың ысырабын азайту жөніндегі іс-шаралар есебінен таза суды пайдалануды қысқарту, нормативтік тазартылған судың ысырап болуын қысқарту жөніндегі іс-шаралар жоспары бекітілді. Сондай-ақ, осы ЕТҰ-да «8 су қағидаты» су ресурстарын ұтымды басқаруға адал болу туралы мәлімдемеге қол қойылды.

Компания ауыз су, шаруашылық-тұрмыстық, өндірістік және техникалық қажеттіліктерге арналған су жинауды қоспағанда, қандай да бір су объектілеріне елеулі теріс әсер етпейді. Кәсіпорындарға су шарттық негізде қалалық сумен қамтамасыз етіледі. Компанияның су тұтынуды азайту саласындағы нысаналы көрсеткіштері шамалы әсерге байланысты белгіленбейді.

Су ресурстарының негізгі көздері жер үсті су қоймалары мен жер асты су көздері болып табылады. Компания теңіз көздерінен су алуды жүзеге асырмайды. «Интергаз Орталық Азия» АҚ филиалдарында жер асты су көздерінен су алу мынадай өндірістік объектілер үшін жүргізіледі: КС-11, КС-14, «Ақтөбе» МГҚБ, КС-5, «Ақыртөбе» ЖГСҚ «Тараз» МГҚБ, Полторацкое ЖАГСҚ, «Шымкент» МГҚБ КС-Самсоновка, Орал желілік өндірістік басқармасы (ЖӨБ), «Орал» МГҚБ Шежін ЖӨБ. «Жанғала» КС және «Орал» МГҚБ үшін Пятимар су қоймасынан су беріледі. Қалған объектілерге су сумен жабдықтаушы ұйымдармен шарттық негізде жеткізіледі.

Компанияның сарқынды сулары 2023 жылы Қазақстан Республикасының заңнамасымен бекітілген шекті жол берілетін төгінділер нормативтерінің шекті мәнінен аспады. 2023 жылы «QazaqGaz»ҰК» АҚ су тарту көлемі 910,58 мегалитрді, төгінділер көлемі – 317,11 мегалитрді құрады. Компаниялар тобының су тұтынуының жалпы көлемі 593,47 мегалитрді құрады.