«QazaqGaz» ҰК» АҚ басқарма төрағасының бірінші орынбасары Мейірбек Ихсанов Атырау облысындағы Қашаған кен орнында қуаты 1 млрд. м² болатын газ өңдеу зауыты құрылысының барысын тексерді.
Жұмыс сапары аясында іргетастарды орнату және металл конструкцияларын салу бойынша жалпы құрылыс жұмыстарымен қатар, технологиялық жабдықтарды орнату бойынша белсенді жұмыстар жүргізіліп жатқаны атап өтілді: 4 айдау колоннасын орнату және жеңіл көмірсутектерді өндіру блогында орташа тонналық скидтерді орнату жұмыстары аяқталды. 400 тонна жүк көтеретін кран, амин тазалау қондырғысы мен күкіртті өндіру агрегатында салмағы 170 тоннадан асатын ірі габаритті бағаналы жабдықтарды орнатуға дайын.
Бүгінгі таңда:
Қадаларды орнату толық аяқталды – 4541 дана (100%) орнатылды.
• Газды кешенді дайындау қондырғысында іргетас орнату бойынша бетон жұмыстары 57% аяқталды – жоспарланған 66 812 м²-ден 38 135 м² құйылды.
• Металл конструкцияларының монтажы 12%-ға жетті.
• Механикалық қондырғылар монтажы 13,6% аяқталды.
Сондай-ақ, темір жолдарды салуда 95% прогреске қол жеткізілді. 320 орындық вахталық поселке салу жұмыстары жүргізілуде, 2025 жылдың тамызына дейін жұмыстар толық аяқталады деп күтілуде. Сонымен қатар, құрылыс алаңына 40 вагоннан астам жалғастырушы құбырлар жеткізілді. Айта кету керек, мердігер компания персонал мен техникалардың санын көбейтуде.
