19-21 қыркүйек аралығында «Түрікменстан – Өзбекстан – Қазақстан – Қытай» газ құбырын пайдалану жөніндегі Үйлестіру комитетінің 29-шы отырысы өтті. Биылғы жылы кездесу «QazaqGaz» ҰК» АҚ (ҚР) және Trans-Asia Gas Pipeline Company Limited (ҚХР) бірлескен кәсіпорны «Asian Gas Pipeline» ЖШС-нің ұйымдастыруымен Алматыда өтті. Үйлестіру комитетінің отырысы үйлестіруді жақсарту және ортақ міндеттер мен жобаларды сәтті жүзеге асыру үшін тиімді алаң екенін көрсетті.
Қазақстандық делегация атынан «QazaqGaz» ҰК» АҚ «Азия газ құбыры» ЖШС және «Бейнеу-Шымкент газ құбыры» ЖШС қатысты.
Кездесуге қатысушылар газ құбырын бірлесіп салу және пайдалану бойынша ынтымақтастықтың нәтижелерін жоғары бағалап, әріптестікті нығайтуға ниеттерін білдірді. Газ құбырының трансазиялық газ артериясына айналғаны және барлық серіктес елдердің энергетикалық қауіпсіздігін қамтамасыз етуде маңызды рөл атқаратыны атап өтілді.
«Түрікменстан-Өзбекстан-Қазақстан-Қытай» газ құбырының құрылысы» біздің елдеріміз үшін үлкен маңызға ие. Газ құбыры 15 жылдан астам уақыттан бері сәтті жұмыс істеп келеді. Төрт елді аумағы арқылы өтетін газ құбыры тығыз ынтымақтастықты да дамытуға септігін тигізді. Өз кезегінде QazaqGaz көршілес елдермен геологиялық барлау, өндіру, тасымалдау, жүзеге асыру және газ құбырларын салу саласындағы ынтымақтастықты одан әрі нығайтуға ниетті», - деді «QazaqGaz» ҰК» АҚ басқарма төрағасы Санжар Жаркешов.
Түрікменстан-Өзбекстан-Қазақстан-Қытай газ құбырын пайдалану жөніндегі үйлестіру комитетінің отырысы құбырдың өндірістік жұмысы талқыланатын, газбен жабдықтау және тасымалдау жоспарлары анықталатын және бекітілетін, жөндеу жұмыстарының жоспарлары құрылатын маңызды алаң болып табылады. Бүгінгі таңда жоба барлық қатысушы елдердің әлеуметтік-экономикалық дамуында ерекше маңызға ие.
Отырыстың хаттамалық шешімдері энергетикалық ынтымақтастықты жақсарту бойынша компаниялардың одан әрі үйлестірілген жұмысына маңызды үлес қосады. Жаңа энергетикалық жібек жолы деп аталатын «Түрікменстан – Өзбекстан – Қазақстан – Қытай» газ құбыры Орталық Азия елдері мен Қытайды байланыстыратын стратегиялық маңызды энергетикалық арна болып табылады. Ол елдер арасындағы өзара тиімді экономикалық ынтымақтастықтың үлгісі болып табылады. Оның тұрақты жұмыс істеуі елдердің энергетикалық қауіпсіздігін қамтамасыз ету және экологиялық таза «жасыл» дамуға көшуге ықпал ету үшін үлкен маңызға ие.
