«QazaqGaz» ҰК» АҚ жаңа жобалар бойынша басқарма төрағасының орынбасары Батыржан Тергеусізов Қашағандағы қуаты 1 млрд м3 газ өңдеу зауытының құрылыс барысына инспекция жасады. Іс-шараға GPCI компаниясының профильді мамандары мен мердігер ұйымдардың өкілдері қатысты.
Кеңес барысында мердігерлер құрылыс-монтаждау жұмыстарының барысы туралы өзекті ақпаратты ұсынды және ағымдағы жылдың соңына дейін жобаның негізгі кезеңдеріне қол жеткізу жоспарлары туралы баяндады. Батыржан Тергеусізов құрылыс-монтаж жұмыстарының орындалуын бақылауды күшейтуді, өндірістік процестерді оңтайландыру жөніндегі жұмысты жалғастыруды және түнгі ауысымдарды қоса алғанда, өнеркәсіптік және өрт қауіпсіздігі талаптарының сақталуына назар аударуды тапсырды.
Анықтама: Құрылыс алаңына 2000-ға жуық маман жұмылдырылған. Түнгі ауысымға шамамен 163 қызметкер тартылады. 370-тен астам құрылыс техникасы жұмыс істейді. Қауіпсіз еңбек жағдайларына, соның ішінде түнгі уақытта қауіпсіздікті қамтамасыз етуге ерекше назар аударылады.
Құрылыс-монтаждау жұмыстары бойынша ілгерілеу (ҚМЖ):
- Сыйымдылығы 8 000 м3 жинақтаушы резервуардың, 2 000 м3 градирлік резервуарлардың және сыйымдылығы 5000 м3 су резервуарының гидравликалық сынақтары аяқталды;
- НВК-1 (12 км-ден астам жерасты құбырлары) гидросынақтары орындалды;
- Іргетастарды бетондау, металл конструкцияларды монтаждау, технологиялық жабдықтар мен қызмет көрсету алаңдарын орнату, РВС-5000 және РВС-1000 типті болат резервуарларды құрастыру, сондай-ақ сфералық резервуарларды монтаждау бойынша жұмыстар орындалуда;
- Сыртқы инженерлік желілердің құрылысы жүргізілуде (НВК-2);
- GPCI вахталық кентінде 132 және 140 орындық екі жатақханада шатыр монтажы аяқталды, әкімшілік-тұрмыстық кешенде шатыр монтажы жүргізілуде. Жатақхана ғимараттарында ішкі бөлімдерді орнату және электр Монтаждау жұмыстары жалғасуда.
Жұмыстың негізгі түрлері бойынша көрсеткіштер:
- Іргетастарды орнату бойынша бетон жұмыстары: 52 231 м3 орындалды (прогресс 69,4%)
- Металл конструкцияларын монтаждау: 3 890 тонна (19,2%)
- Механикалық жабдықты монтаждау: 4 104 тонна (42,4%)
- Резервуарларды орнату: 841 тонна (31,1%)
- Жерасты құбырларын төсеу: 18 374 м (37,9%)
"QazaqGaz" ҰК" АҚ құрылыс мерзімдерінің сақталуын, сондай-ақ барлық кезеңдерде белгіленген сапа және қауіпсіздік стандарттарының орындалуын қамтамасыз ете отырып, жобаны іске асыруды кешенді бақылауды жалғастыруда.
