«QazaqGaz» ҰК» АҚ басқарма төрағасы Әлібек Жамауов Атырау облысындағы Қашаған кен орнындағы газ өңдеу зауытының (ГӨЗ) құрылыс алаңындағы жұмыс барысын тексерді. Тексеру барысында ол үдеткіш компрессорлық станцияны аралап, сұйытылған газ терминалының құрылыс барысымен де танысты.
Тексеріс жиынына компания мамандары, сондай-ақ мердігерлер – «Kazakh Construction Group» ЖШС және «Интегра Констракшн KZ» ЖШС басшылығы да қатысты.
Мердігерлер құрылыс-монтаж жұмыстарының барысы туралы баяндап, ағымдағы жылдың соңына дейін жобаның негізгі кезеңдерін орындау жоспарлары туралы баяндады.
Әлібек Жамауов ресурстарды жұмылдыру бойынша жұмысты күшейту, сондай-ақ құрылыс қарқынын одан әрі жеделдету қажеттігін атап өтті. Құрылыс-монтаж жұмыстарының орындалуы қатаң бақылауда екенін айта келе, өндірістік процестерді оңтайландыру жұмыстарын жалғастыруды тапсырды. Өнеркәсіптік және өрт қауіпсіздігі талаптарын сақтауға, оның ішінде түнгі ауысымға ерекше назар аударылады.
Бүгінгі таңда құрылыс алаңында 2000-ға жуық маман жұмыс істеуде. Түнгі ауысымда 150-ге жуық жұмысшы жұмылдырылған. 369 құрылыс техникасы жұмыс істеп тұр. Қауіпсіз еңбек жағдайларын қамтамасыз етуге ерекше назар аударылады.
Құрылыс-монтаж жұмыстарының барысы:
- Бірнеше ірі резервуарларды сынау аяқталды: 8 000 м³ резервуар, 2 000 м³ салқындату мұнаралары, 5 000 м³ суға арналған резервуар және RVS-1000 цистернасы.
- Бірінші кезеңдегі (НВК-1) 12 км-ден астам жерасты құбырлары сынақтан өтті. Екінші кезеңді (НВК-2) орнату жалғасуда. • Іргетастарды орнату, металл конструкцияларды құрастыру, жабдықтар мен қызмет көрсету платформаларын орнату, RVS-5000, RVS-1000 және сфералық 600 м³ цистерналарды құрастыру жұмыстары жүргізілуде.
- Сыртқы инженерлік желілердің (НВК-2) құрылысы жалғасуда.
- GPCI вахталық лагерінде әкімшілік-шаруашылық кешенінің және 132 және 140 орындық екі жатақхананың шатыры орнатылды. Қазір бұл ғимараттарда қалқалар орнатылып, электрлік жұмыстар жүргізілуде.
Жұмыстың негізгі түрлері бойынша:
- Іргетастарды салу бойынша бетон жұмыстары: 52 706 м³ аяқталды (69,7% орындалу барысы)
- Металл конструкцияларын орнату: 4012 тонна (19,8%)
- Механикалық жабдықты орнату: 4148 тонна (42,8%)
- Резервуарларды орнату: 1180 тонна (43,6%)
- Жер асты құбырларын төсеу: 19 504 м (42,4%)
«QazaqGaz» ҰК» АҚ басшылығы жобаның іске асырылуын, оның ішінде құрылыс жүргізу кестесінің сақталуын, сондай-ақ барлық кезеңдерде белгіленген сапа мен қауіпсіздік стандарттарының сақталуын кешенді бақылауды жалғастыруда.
