QazaqGaz-дың еншілес ұйымы - «QazaqGaz Aimaq» 2024-2025ж.ж.,жылыту маусымында газды тұтыну көлемінің артуына қарамастан, халықты газбен үздіксіз қамтамасыз еткені туралы есеп берді. Компания еншісіндегі 72 мың шақырымнан асатын газ желілерінде ірі техногенді апаттар тіркелген жоқ. Апаттық-диспетчерлік қызмет тәулік бойы жедел жұмысты қамтамасыз етті.
Қазақстанда табиғи газға деген сұраныс өсіп келеді. 2024 жылы газды тұтынудың ең жоғарғы көрсеткіші сағатына 3,4 млн текше метрге жетті, бұл 2023 жылғы деңгейден (3,2 млн текше метр) асып түсті. Қазақстандықтар орта есеппен тәулігіне 82 млн текше метр газ пайдаланды, бұл өткен жылмен салыстырғанда 5%-ға артық. Жүктеменің артса да, компания газ жеткізудің тұрақтылығын қамтамасыз етіп отыр.
Жылыту маусымы кезінде компанияның апаттық-диспетчерлік қызметіне абоненттерден 80 мың өтінім түскен. Барлық өтінімдер жедел қарастырылды.
Сонымен қатар, компания тұтынушылардың газды қауіпсіз пайдалануы бойынша іс-шараларды күшейтті. 1 300-ден астам ақпараттандыру және тексеру рейдтері ұйымдастырылды.
QazaqGaz инфрақұрылымды күзгі-қысқы маусымға кешенді дайындау кезінде негізгі нысандарды жөндеу мен күтіп ұстауды жүзеге асырды. Су тасқынына қарсы бекітілген жоспар да орындалуда.
Ұлттық компания қауіпсіздік шараларын ескере отырып, халықты газбен үздіксіз қамтамасыз ету стратегиясын жүзеге асыруды жалғастырады.
