"QazaqGaz" ҰК" АҚ екінші жыл қатарынан Қазақстанның газ саласындағы компаниялары арасында Carbon Disclosure Project халықаралық рейтингі бойынша B бағасын алып, алдағы озаттар қатарын сақтап келеді.
Бұл елеулі жетістік Компанияның климаттың өзгеруі саласындағы мәселелерді тиімді басқаруға бейімділігін және орнықты даму жөніндегі жаңа стандарттар мен бастамаларға бейімделуге дайындығын растайды.
CDP рейтингісінің сұранысын 700-ге жуық инвесторлар мен кредиторлар 127 триллион АҚШ долларынан астам активтерімен қолдайды.
Жоғары CDP рейтингі QazaqGaz-дың халықаралық деңгейдегі инвестициялық тартымдылығы мен бәсекеге қабілеттілігі үшін маңызды қадам болып табылады, сондай-ақ Қазақстанның көміртегі бейтараптығына қол жеткізу жөніндегі ұлттық мақсаттарын орындау үшін парниктік газдар шығарындыларын басқару саласындағы корпоративтік дамуға ықпал етеді.
