QazaqGaz ҒТО Оқу орталығы ресми түрде IOSH Managing Safety және IOSH Working Safety халықаралық бағдарламалары бойынша оқыту жүргізуге аккредитация алды.

Аккредитацияның алынуы QazaqGaz ҒТО Оқу орталығы оқытушыларының жоғары дайындық деңгейін және оқу курстарының қатаң халықаралық талаптарға сәйкестігін растайды. Жаңа мәртебе «QazaqGaz» ҰК» АҚ және оның еншілес ұйымдарының қызметкерлерін халықаралық стандарттар бойынша оқытуды жүргізуге мүмкіндік беріп, қауіпсіздік мәдениетінің артуына және өндірістік тәуекелдердің төмендеуіне ықпал етеді.

IOSH (Institution of Occupational Safety and Health) – еңбек қорғау және өндірістік қауіпсіздік саласындағы әлемдегі ең ірі кәсіби ұйым, құрамында 48 мыңнан астам маманды біріктіреді. Оның білім беру бағдарламалары өндірістік қауіпсіздік мәселелері бойынша басшылар мен қызметкерлерді даярлаудың халықаралық стандарты ретінде танылған.