«QazaqGaz» ҰК» АҚ HSE бойынша Басқарушы Комитеттің отырысы өтті. Іс-шара аясында компанияның еңбекті қорғау және өндірістік қауіпсіздік бағытындағы өткен жылғы жетістіктері баяндалып, биылғы жылдың жоспарлары талқыланды.
Отырысты ұлттық компанияның басқарма төрағасы Санжар Жаркешов ашып берді. Ол 2024 жылы жарақаттану көрсеткішінің 33 пайызға төмендегенін айтты.
Негізгі жетістіктердің бірі – 1 жыл бойы өндіріске байланысты төтенше оқиғалардың орын алмауы. QazaqGaz басшысы «Жұмысшы мамандықтар жылы» аясында «нөлдік жарақаттану» концепциясына үлес қосқан өндірістік филиалдардың жұмысшыларын марапаттауды тапсырды.
«2025 жылы еліміз бойынша ірі геологиялық барлау жобалары жүзеге асырылады. Жұмыс көлемінің артуы жағдайында өндіріс филиалдары директорлары мен еншілес компаниялардың басшыларына еңбек қауіпсіздігін күшейту тапсырылады», – деді Санжар Жаркешов.
«QazaqGaz» ҰК» АҚ HSE департаментінің директоры Алтай Джакубалиев өткен жыл мен биылғы жылдың 3 айының қорытындысын шығарды. Оның айтуынша QazaqGaz HSE көрсеткіші бойынша ұйымдастырылған байқауда үздік шыққан.
Жеңімпаздар:
- Үздік еншілес және бағынысты ұйым – «Интергаз Орталық Азия» АҚ;
- Үздік өндірістік филиал – «Азия газ құбыры» ЖШС «Шымкент» ГТБ;
- Филиалдың үздік бөлімшесі – «QazaqGaz Aimaq» АҚ Қызылорда өндірістік филиалы газ желілерін жөндеу Қызметі.
Бұл бастама өндірістегі қауіпсіздік деңгейін арттыруда тиімді болып отыр.
Биыл QazaqGaz еңбекті қорғау бағытында жаңа бастамаларды енгізеді. Ай сайын өндірістік филиалдар басшыларының қауіпсіздік техникаларын сақтау бойынша рейтингі шығарылады. Бұдан басқа, компания арнайы киім үлгілерін әлемдік стандарттарға сай жетілдіре бермек.
QazaqGaz үшін басты құндылық – адам өмірі мен денсаулығы. Өндірістегі мақсаттарға жарақатсыз жету компания үшін басымдық болып саналады.
