27 қазанда "QazaqGaz"ҰК" АҚ Директорлар кеңесі Атырау облысында көшпелі отырыс өткізіп, оның барысында өңірдегі ұлттық компанияның негізгі инвестициялық және инфрақұрылымдық жобаларының барысымен танысты. QazaqGaz Директорлар кеңесінің отырысы алғаш рет өндірістік алаңда өтті.
Жұмыс сапары Қашағандағы қуаты жылына 1 млрд м3 газ өңдеу зауытының (ГӨЗ) құрылыс алаңына барудан басталды. Директорлар кеңесінің мүшелері алаңдағы құрылыс-монтаж жұмыстарының қарқынын жеке бағалады.
Сапар аясында QazaqGaz басшылығы мен Директорлар кеңесі бас мердігерлік ұйымдардың өкілдерімен кеңейтілген үйлестіру кеңесін өткізді. ҚМЖ кестелерін, өнеркәсіптік қауіпсіздік пен экологияның халықаралық стандарттарын (HSE) қатаң сақтауға, сондай-ақ өңірдегі әлеуметтік-экономикалық әсерді күшейту үшін жергілікті мамандар мен отандық тауар өндірушілерді тартудың басымдығына ерекше назар аударылды.
"Қашағандағы ГӨЗ құрылысы - Мемлекет басшысы мен ҚР Үкіметінің ерекше бақылауындағы мемлекеттік ауқымдағы стратегиялық жоба. Зауытты пайдалануға беру шикі газды қайта өңдеуді арттырып қана қоймай, ішкі нарық үшін тауарлық газдың ресурстық базасын ұлғайтуға мүмкіндік береді. Серіктестермен тығыз үйлестіру және мердігерлердің ресурстарын жұмылдыру - кәсіпорынның табысты іске қосылуының негізгі факторы", - деп атап өтті "QazaqGaz" ҰК" АҚ Директорлар кеңесі мүшелері.
Жұмыс сапары барысында QazaqGaz Директорлар кеңесінің мүшелері Атырау облысында орналасқан Eskene сұйытылған газ терминалының (LPG) құрылысымен танысты. Нысанда іргетастарды және негізгі жабдықты орнатуды қоса алғанда, құрылыс-монтаж жұмыстары жалғасуда.
"QazaqGaz" ҰК" АҚ барлық жобалардың барысын бақылай отырып, сондай-ақ құрылыс мерзімдерінің сақталуын, барлық кезеңдерде белгіленген сапа және қауіпсіздік стандарттарының орындалуын қамтамасыз ете отырып, жобалардың іске асырылуын кешенді бақылауды жалғастыруда.
